10
ڕۆژی دووشه‌ممه ١٤ی خه‌زه‌ڵوه‌ر، پۆلیسی توركیا ده‌ستی به‌سه‌ر سێ شاره‌وانی له شاره‌كانی ئێلح، ماردین و خه‌لفه‌تی دا گرت و خه‌ڵكی باكووری كوردستان له ئاست ئه‌و سه‌ركوتگه‌رییه ڕژانه سه‌ر شه‌قام و له‌گه‌ڵ هێزه‌كانی توركیا به شه‌ڕ هاتن.
به پێی زانیارییه‌كان، سێ شاره‌داری هه‌ڵبژێردراوی خه‌ڵك له شاره‌دارییه‌كانی ئێلح، ماردین و خه‌لفه‌تی له‌لایه‌ن پۆلیسی توركیاوه ده‌ستبه‌سه‌ر كراون و له جێگه‌یان قه‌یووم دانراوه. هه‌ڵسووكه‌وتی هێزه ئه‌منیه‌كانی توركیا توڕه‌یی خه‌ڵكی باكووری كوردستانی لێكه‌وتووه‌ته‌وه و خۆپێشانده‌ران له شاره‌كانی ئێلح، ماردین و وان له‌گه‌ڵ پۆلیس به شه‌ڕ هاتوون و چه‌ندین كه‌س ده‌ستبه‌سه‌ر و ڕه‌وانه‌ی گرتووخانه كراون.
