5
ئه‌یووب سوباشی، سه‌رۆكی ئه‌نجومه‌نی لێكۆڵینه‌وه‌ی كورد له شاری ئیستانبوول له‌لایه‌ن ده‌زگای قه‌زایی توركیاوه به شه‌ش ساڵ و سێ مانگ زیندان مه‌حكووم كرا.
به وته‌ی چالاكانی مه‌ده‌نی باكووری كوردستان، ئه‌یووب سوباشی له‌لایه‌ن ده‌زگای قه‌زایی توركیا به تۆمه‌تی “ئه‌ندامه‌تی له گرووپی تیرۆریستی” به شه‌ش ساڵ و سێ مانگ زیندان مه‌حكووم كراوه، له حاڵێكدا ئه‌و چالاكه مه‌ده‌نییه توێژینه‌رێكی بواری جۆگرافی و مێژووناسێكی به‌ناوبانگه و ڕێزێكی تایبه‌تی له نێو خه‌ڵك دا هه‌یه. ناوبراو پێشتر بابه‌تی له‌سه‌ر ئیدانه‌كردنی شه‌ڕ و خواستی ئازادی عه‌بۆڵڵا ئۆجالان بڵاو كردووه و له ناڕه‌زایه‌تیه‌كان دژ به كه‌ڵك وه‌رگرتنی توركیا له چه‌كی كیمیایی به‌شدار بووه.
