8
ڕۆژی شه‌ممه ١٠ی سه‌رماوه‌زی ١٤٠٣، چالاكانی مه‌ده‌نی و ژینگه‌یی شاره‌كانی بۆكان و جوانڕۆ په‌یوه‌ست به هه‌ڵمه‌تی زاگرۆسانه بوون و سه‌دان ده‌نگی به‌ڕوو و نه‌مامیان له ده‌ورووبه‌ری ئه‌و دوو شاره چاند.
هه‌ڵمه‌تی زاگرۆسانه كه له شه‌ش ساڵ له‌مه‌وبه‌ره‌وه له‌لایه‌ن چالاكانی ژینگه‌یی و به مه‌به‌ستی پاراستن و بوژانه‌وه‌ی سرووشت ڕێكخراوه، له ڕۆژانی یه‌ك بۆ ٢٥ی سه‌رماوه‌زی هه‌ر ساڵ به‌ڕێوه ده‌چێت و خه‌ڵكی خۆبه‌خش و چالاكانی مه‌ده‌نی ده‌نكی به‌ڕوو و نه‌مام له داوینی چیا و زۆزانی شاره‌كانیان ده‌چێنن. هه‌ر چند له هه‌ندێك شار ناوه‌نده ئه‌منیه‌تیه‌كان ڕێگری له‌و چالاكییه ده‌كه‌ن، به‌ڵام خه‌ڵك به هه‌ست و سۆزێكی بێ وێنه‌وه تێدا به‌شدار ده‌بن و به‌و شێوه‌یه وانه به منداڵه‌كانیان ئه‌ڵێنه‌وه.
