10
به‌پێی ڕاپۆرتی ڕێكخراوه‌كانی مافی مرۆڤ، پیاوێكی خه‌ڵكی میاندوواو هاوژین و خۆشكی هاوژینه‌كه‌ی كوشتووه و له‌لایه‌ن پۆلیسه‌وه ده‌ستبه‌سه‌ر كراوه.
به وته‌ی دادستانی میاندوواو، بكوژ به بیانووی كێشه‌ی خێزانی چووته ماڵ خه‌زوورانی و هاوژین و خۆشكی هاوژینه‌كه‌ی كوشتووه و كه‌سێكی دیكه‌ی بریندار كردووه. به وته‌ی پۆلیسی میاندوواو، تاوانبار پاش كاتژمێرێك ده‌ستبه‌سه‌ر و ڕاده‌ستی ناوه‌نده قه‌زاییه‌كان كراوه. جێگای ئاماژه‌یه كه له ژێر سایه‌ی ده‌سه‌ڵاتی كۆماری ئیسلامی دا، ڕێژه‌ی توندووتیژی خێزانی به شێوه‌یه‌كی به‌رچاو زیادی كردووه و له شه‌ش مانگی ڕابردوودا، چه‌ندین ژن له‌لایه‌ن بنه‌ماڵه‌كانیانه‌وه به بیانووی كێشه‌ی خێزانی كوژراون.
