8
ڕۆژی دووشه‌ممه ٢٦ی سه‌رماوه‌ز، كرێكارانی جووشكاری شاغڵ له پاڵاوگه‌ی تاران، دژ به نه‌دانی داخوازییه‌كانیان ده‌ستیان له كار كێشا و مانیان گرت.
به‌پێی ڕاپۆرته‌كان، كرێكارانی شاغڵ له به‌شی جووشكاری پاڵاوگه‌ی تاران، ماوه‌ی چوار مانگه حه‌قده‌ستیان وه‌ر نه‌گرتووه و له دۆخێكی سه‌خت دا ژیان به‌سه‌ر ئه‌به‌ن. كرێكارانی ناڕازی ده‌ڵێن: كاتێك له ئاست نه‌دانی داخوازییه‌كانیان ناڕه‌زایه‌تیان ده‌ربڕیوه، له‌لایه‌ن خاوه‌نكاره‌وه هه‌ڕه‌شه‌ی ده‌ركردنیان لێ كراوه. ناڕازیان هه‌روه‌ها داوا ده‌كه‌ن ڕێژه‌ی حه‌قده‌سته‌كانیان به پێی ڕێژه‌ی هه‌ڵاوسان بڕواته سه‌ره‌وه و حه‌قی بیمه‌كانیان به ڕێكخراوی ته‌ئمیین ئیجتیماعی په‌رداخت بكرێت.
