ڕۆژی یه‌كشه‌ممه و پێنجشه‌ممه ٢٥ و ٢٩ی سه‌رماوه‌ز، دوو هاووڵاتی خه‌ڵكی مه‌ریوان و مهاباد به ناوه‌كانی “ئارام باڵه‌كی” و “چیا نه‌سرۆڵڵاهی” له‌لایه‌ن هێزه ئه‌منیه‌تیه‌كانه‌وه ده‌ستبه‌سه‌ر كران.
به‌پێی ڕاپۆرته‌كان، ئارام باڵه‌كه‌ی هونه‌رمه‌ندی خه‌ڵكی مه‌ریوان به بیانووی دانانی بابه‌تی ڕه‌خنه‌گرانه له حكوومه‌ت له‌لایه‌ن ئیداره‌ی ئیتلاعاته‌وه ده‌ستبه‌سه كراوه و هێزه‌كانی حكوومه‌ت هه‌ڕه‌شه‌یان لێ كردووه كه نابێت له ڕێوڕه‌سمه‌كانی شه‌وی یه‌لدا دا به‌شداری بكات. له‌لایه‌كی دیكه‌وه، ڕۆژی یه‌كشه‌ممه، شارومه‌ندێكی خه‌ڵكی مهاباد به ناوی چیا نه‌سرۆڵڵاهی به بێ به‌ڵگه‌ی قه‌زایی له‌لایه‌ن ئیداره‌ی ئیتلاعاته‌وه ده‌ستبه‌سه‌ر كراوه. به وته‌ی چالاكانی مافی مرۆڤ، له چه‌ند ڕۆژی ڕابردوودا، به‌لانیكه‌م ١٥ هاووڵاتی خه‌ڵكی مهاباد له‌لایه‌ن ناوه‌نده ئه‌منیه‌تیه‌كانه‌وه ڕفێندراون و زانیارییه‌ك له‌سه‌ر چاره‌نووسیان له‌به‌رده‌ست دا نییه.
