فه‌رید عینایه‌تی، له ده‌ستبه‌سه‌ركراوانی شۆڕشی ژینا كه له ڕێكه‌وتی ٢٤ی خه‌زه‌ڵوه‌ری ١٤٠٣، له‌لایه‌ن هێزه ئه‌منیه‌كانی كرماشانه‌وه ده‌ستبه‌سه‌ر كراوه، به‌هۆی مانگرتنی درێژخایه‌ن له گرتووخانه‌ی ئیتلاعات دا دۆخی ته‌ندرووستی تێك چووه.
به‌پێی ڕاپۆرتی كانوونی مافی مرۆڤی كوردستان، فه‌رید عینایه‌تی ماوه‌ی ٣٥ ڕۆژه له گرتووخانه‌ی ئیداره‌ی ئیتلاعات له مه‌یدانی نه‌فتی كرماشان، مانی له خواردن گرتووه و ته‌ندرووستی له مه‌ترسی دایه. ئه‌و به‌ندكراوه سیاسییه له ده‌ستڕاگه‌یشتن به پارێزه‌ر و چاوپێكه‌وتن له‌گه‌ڵ بنه‌ماڵه‌كه‌ی بێبه‌ش كراوه و كه‌س و كاری نیگه‌رانی دۆخی ته‌ندرووستی ناوبراون. شایانی باسه كه ڕۆژی ٢٤ی خه‌زه‌ڵوه‌ری ئه‌مساڵ، هێزه‌كانی حكوومه‌ت له شاری پاوه هێرشیان كرده سه‌ر ماڵی عینایه‌تی و فه‌رید و حه‌میدی برایان ده‌ستبه‌سه‌ر كرد.
