ڕۆژی هه‌ینی ٣٠ی سه‌رماوه‌ز، كۆمه‌ڵێك له ڕێكخراوه مه‌ده‌نییه‌كانی شاری سنه به بۆنه‌ی شه‌وی یه‌لدا یارمه‌تیان به ده‌ست خێزانه هه‌ژاره‌كانی ئه‌و شاره دا گه‌یاند.
به‌پێی هه‌واڵی گه‌یشتوو، كۆمه‌ڵێك له ژنان و پیاوانی شاری سنه به دابه‌شكردنی خۆراك به سه‌ر خێزانه هه‌ژاره‌كانی شاری سنه، په‌یامی یه‌كڕیزی و هاوده‌ردیان ئاراسته‌ی كۆمه‌ڵگا كرد و ڕایانگه‌یاند: هه‌موو دڵخۆشیمان ئه‌وه‌یه كه له ڕۆژه سه‌خته‌كانیش دا پاڵپشتی یه‌كترین. نابێت ڕێگه به داڕمانی بنه‌ما ئه‌خلاقییه‌كانی كۆمه‌ڵگا بده‌ین و ئه‌بێ له ڕۆژه سه‌خته‌كان دا یاریده‌ری یه‌كتر بین.