ڕۆژی یه‌كشه‌ممه ٢٣ی به‌فرانبار، كرێكارانی په‌یمانی شاغڵ له ناوچه عه‌مه‌لیاتیه‌كانی نه‌وت و گازی جنووب بۆ جارێكی دیكه دژ به نه‌دانی داخوازییه‌كانیان كۆبوونه‌وه.
كرێكارانی ناڕازی له كۆبوونه‌وه‌كه‌یان دا خوازیاری وه‌لانانی په‌یمانكار، زیادكردنی حه‌قده‌ست به‌پێی ڕێژه‌ی هه‌ڵاوسان، وه‌لانانی جیاوازی، به‌ڕێوه‌چوونی یاسای ١٤ ڕۆژ كار– ١٤ ڕۆژ پشوودان، ته‌زمینی ئه‌منیه‌تی پیشه‌یی، دابینكردنی بیمه‌ی ده‌رمانی و ئیمكاناتی ڕیفاهی، وه‌لانانی باجی سه‌ر نه‌وت كار، پێدانی سه‌نه‌وات و پاداشی كۆتایی ساڵ، گۆڕانی دۆخی پیشه‌یی، هاوسانسازی حه‌قده‌ست و به‌كرده‌وه‌ده‌رهاتنی گه‌ڵاڵه‌ی ڕیزبه‌ندی پیشه‌كان بوون.