6
ڕۆژی سێشه‌ممه ٢ی ڕێبه‌ندان، خانه‌نشینكراوانی سه‌نعه‌تی فولادی ئێران له شاری تاران و له به‌رده‌م وه‌زاره‌تی كار، ڕیفاه و ته‌عاوه‌ن دا كۆبوونه‌وه و خوازیاری جێبه‌جێكردنی داخوازییه‌كانیان بوون.
خانه‌نشینكراوانی فولاد به به‌ده‌سته‌وه‌گرتنی پلاكارد و وتنه‌وه‌ی دروشم خوازیاری زیادكردنی حه‌قده‌ست، په‌رداختی داخوازییه دواخراوه‌كان، هاوسانسازی حه‌قده‌ست، به‌كرده‌وه‌ده‌رهاتنی گه‌ڵاڵه‌ی ڕیزبه‌ندی، دابینكردنی بیمه‌ی ته‌كمیلی، هه‌ڵوه‌شانه‌وه‌ی بڕیاری ده‌وڵه‌ت بۆ تێكه‌ڵكردنی سندووقه‌كانی خانه‌نشینی و چاكسازی له ژیان و مه‌عیشه‌تیان بوون.
