10
پریسا وریانی، به‌ڕێوه‌به‌ری هونه‌رستانی فه‌نی و حیرفه‌یی “هونه‌ره جوانه‌كان“ی شاری سنه، به تۆمه‌تی “هاوكاری نه‌كردن له‌گه‌ڵ ناوه‌نده ئه‌منیه‌تیه‌كان له سه‌رده‌می شۆڕشی ژینا له سه‌ر كاره‌كه‌ی ده‌ركراوه.
به‌پێی ڕاپۆرتی كانوونی سنفی موعه‌لیمانی كوردستان، په‌ریسا وریانی وێڕای گوشار و هه‌ڕه‌شه‌ی ناوه‌نده ئه‌منیه‌تیه‌كانی شاری سنه، له پێدانی زانیاری له‌سه‌ر قوتابیانی هونه‌رستانی هونه‌ره جوانه‌كانی ئه‌و شاره به مه‌ئمووره‌كانی حكوومه‌ت خۆی بواردووه و فیلمی دووربینه‌كانی ڕاده‌ستی ئیداره‌ی ئیتلاعات نه‌كردووه. به‌و بۆنه‌وه له‌لایه‌ن لێژنه‌ی به‌ره‌نگاربوونه‌وه له‌گه‌ڵ هه‌ڵه ئیدارییه‌كانی ئامووزش و په‌روه‌رشی كوردستان له‌سه‌ر كاره‌كه‌ی ده‌ركراوه.
