4
كانونی نووه‌سه‌رانی ئێران له به‌یاننامه‌یه‌كدا ڕۆژی جیهانی زمانی دایكی له هه‌موو خه‌ڵكی ئێران و جیهان پیرۆز كرد و فره‌چه‌شنی كولتوور و زمانی له ئێران به مه‌سه‌له‌یه‌كی گرنگ ناو برد.
له به‌یاننامه‌كه‌دا ئاماژه به‌وه كراوه كه زمانی دایكی ناسناوی هه‌ر نه‌ته‌وه‌یه‌كه و قه‌ده‌غه‌ی په‌روه‌رده‌ی زمانی دایكی، به پێچه‌وانه‌ی مافی هه‌ر تاكێكی كۆمه‌ڵگا ده‌ستنیشان كرد. هه‌روه‌ها ده‌ستبه‌سه‌ركرانی چالاكان و مامۆستایانی زمان له ناوچه سنووریه‌كانی ئێرانی به توندی شه‌رمه‌زار كرد و خوازیاری كۆتایی هێنان به سه‌ركوتی چالاكوانان و مامۆستیانی زمان له‌و ناوچانه و هروه‌ها ئازادی مامۆستایانی به‌ندكراو بوو.
