به‌پێی ئه‌و وێنانه‌ی به ده‌ستمان گه‌یشتووه، تێكۆشه‌رانی بزووتنه‌وه‌ی ژن،ژیان،ئازادی به نووسینی دروشم پێشتیوانی خۆیان له بنه‌ماڵه‌ی قوربانیانی ته‌قینه‌وه له به‌ندره ڕه‌جایی نیشان داوه.
به‌شداربووانی ئه‌و چالاكییه دروشمی “له‌گه‌ڵ كۆماری ئیسلامی، هه‌موو ژیانمان مه‌گ و وێڕانییه“یان له سه‌ر شه‌قامه‌كانی تاران و كه‌ره‌ج نووسیوه و خوازیاری كاردانه‌وه‌ی كۆمه‌ڵگا به‌رانبه‌ر به جه‌نایه‌ته‌كانی ڕژیم بوون. هاوكات تێكۆشه‌رانی شۆڕشی ژینا سه‌دان تراكتیان له نێو شه‌قامی شاره‌كانیان بڵاو كردووه‌ته‌وه و پشتیوانی خۆیان له بنه‌ماڵه‌ی كرێكارانی گیانبه‌ختكردوو دووپات كردووه‌ته‌وه.