9
“ئەمیر ڕەئیسیان” پارێزەری شەریفە محەممەدی ڕایگەیاند: حوکمی ئێعدامی ئەو بەندکراوە سیاسییە سەرەڕای نەبوونی بەڵگە و بە شێوازێکی نایاسایی لە لایەن دادگای باڵای وڵاتەوە پەسەند کراوە.
“شەریفە محەممەدی“ کرێکار و خەڵکی شاری ڕەشت، ڕێکەوتی ١٤ی سەرماوەزی ١٤٠٢، بە هێرشی هێزەکانی ئیدارەی ئێتڵاعات بۆ سەر ماڵەکەی دەستبەسەر و پاشان لە لایەن دادگا ئینقلابی ڕەشتەوە، بە تۆمەتی “شۆڕشی چەکداری دژ بە ڕژیم” حوکمی سێدارەی بە سەردا سەپێندرا. جێگای ئاماژەیە ئەو ژنە چالاکوانە لە کاتی دەستبەسەر کرانیدا لە لایەن هێزەکانی ڕژیمەوە ئەشکەنجە و ئازارێکی زۆر دراوە و تەنانەت لە مافە سەرەتاییەکانی بێبەش کرابوو.
