خوێندکارانی چەند زانکۆیەکی شاره جیاجیاكانی ئیران، لەوانە زانکۆی هونەر، زانستە کۆمەڵایەتییەکان، بهههشتی، خاجهنهسیر، الزهرا، هونهر،سهجاڕ و زانکۆی سەنعەتی، بە مەبەستی ناڕەزایەتی لە دۆخی سیاسی و کۆمەڵایەتیی وڵات کۆبوونەوەیەکی ناڕەزایەتییان ئەنجام دا.
بەپێی زانیارییەکان، بەشداربووان دروشم و هەڵوێستەکانی خۆیان دەربڕی و داوای گۆڕانکاریی بنەڕەتی، ئازادی و دادپەروەرییان کرد. لە ناو دروشمەکاندا، ڕەخنەی توند لە سیاسەتەکانی ڕژیم و ڕێبەری کۆماری ئیسلامی، عەلی خامنەیی، هەبوو. هەروەها هێزە ئەمنییەکان لە دەوروبەری زانکۆکان ئامادەبوون و هەوڵیاندا کۆبوونەوەکە سنووردار بکەن. هێشتا زانیارییەکی ورد سەبارەت بە رێژهی دەستبەسەرکروانی ئەم ڕووداوه بڵاونەکراوەتەوە. شایانی باسه بارودۆخی زانکۆکان لە ماوەی ڕۆژانی رابردودا بووەتە یەکێک لە سەرچاوە سەرەکییەکانی ناڕەزایەتییەکان، و خوێندکاران بەردەوام داوای ماف و ئازادییەکانی خۆیان دەکەن.
