بەپێی ڕاپۆرتی گەیشتوو، ڕێکخراوی “نێتبلاکس” ڕایگەیاندووە کە پچڕان یان سنوورداربوونی توندی ئینتەرنێت لە ئێران گەیشتووەتە ٢٤٠ کاتژمێر و ئەمە یەکێکە لە درێژترین ماوەکانی سنووردارکردنی پەیوەندییەکان لە وڵاتدا.
بە وتەی سەرچاوەکانی هەواڵ، لە درێژەی قەیرانەکانی ڕۆژانی ڕابردوو و توندتربوونەوەی بارودۆخی سیاسی و سەربازی، دەستڕاگەیشتنی هاووڵاتییان بە ئینتەرنێت لە زۆربەی ناوچەکانی ئێران بە شێوەیەکی بەرچاو سنووردار کراوە. بە پێی ئەم ڕاپۆرتە، زۆربەی خزمەتگوزارییە ئۆنلاین و پەیوەندییەکان یان بە تەواوی پچڕاون یان بە شێوەیەکی زۆر خاو کار دەکەن. هاووڵاتیان لە شارە جیاوازەکان باس لەوە دەکەن کە دەستڕاگەیشتن بە تۆڕە کۆمەڵایەتییەکان و زۆربەی ماڵپەڕەکان تووشی کێشەی جددی بووە. هەروەها نێتبلاکس ئاماژەی بەوە کردووە کە بەردەوامبوونی ئەم بارودۆخە دەتوانێت پەیوەندیی ملیۆنان هاووڵاتی لەگەڵ دەرەوەی وڵات دابخات و کاریگەرییەکی بەرچاو لەسەر گەیاندن و بڵاوبوونەوەی زانیاری درووست دروست بکات.
