کوژرانی کۆمەڵێک لە بەرپرسانی باڵای سپای پاسداران و هێزە سەربازییەکان

ڕۆژی سێشەممە ٤ی خاكەلێوەی ١٤٠٥، ڕاپۆرتەکان ئاماژە بە کوژرانی ژمارەیەک لە فەرماندە و هێزە سەربازییەکانی کۆماری ئیسلامی لە هێرشە ئامانجدارەکاندا دەکەن. 

بەپێی زانیارییە بڵاوکراوەکان، حەمید میرزادە، فەرماندەی ناوچەی ١٩ی مووشەکی ذوڵفەقار لە باکووری ڕۆژئاوای ئێران، لەگەڵ هاوسەر و دوو منداڵەکەی لە هێرشێکدا لە تەورێز کوژراوە. هەروەها حامد غەفاری، چالاکوانی میدیایی نزیک بە دامەزراوەی بسیجی ڕژیم، بە هۆی هێرشەکان لە هەمان شار کوژراوە. لە هەمان کاتدا، ئەمیر سەرلەشکر عەبدوڵڵا جەلالی ‌نەسەب لە تاران و ئەمیرحسێن ئەسەدوڵڵا نیا لە زەنجان لە ناو کوژراواندان. بەپێی ئەم ڕاپۆرتانە، ئەم هێرشانە بە شێوەیەکی ورد فەرماندە و بەرپرسانی سەربازی و ئەمنی ڕژیمی بە ئامانج گرتووە.