بەپێی دوایین ڕاپۆرتەکان، زیاتر لە ٨٤ هاووڵاتی بە تۆمەتی ناڕەوا لە شارە جیاوازەکانی ئێران دەستبەسەر و ڕەوانەی گرتووخانەی ناوەندە ئەمنیەکان کراون.
بەپێی دوایین ڕاپۆرتەکان، ئەو هاووڵاتیانە لە شارەکانی تاران، ئیسفەهان، فلاوەرجان، ئەردەبیل و چەندین شاری دیکە، لە لایەن هێزەکانی ئیدارەی ئیتلاعاتەوە بە تۆمەتی “هاوکاری لەگەڵ ناوەندە ئەمنیەکانی وڵاتانی دژبەری کۆماری ئیسلامی”، “کۆکردنەوەی زانیاری سەبارەت بە پێگە هەستیارەکانی ڕژیم”، “ناردنی وێنەی هێرشەکانی ئەمریکا و ئیسرائیل بۆ سەر بارەگاکانی کۆماری ئیسلامی بۆ میدیاکانی دەرەوەی وڵات” و هەروەها “هەوڵدان بۆ تێکدانی ئەمنیەتی وڵات”، بە بێ بەڵگەی قەزایی دەستبەسەر و ڕەوانەی گرتووخانەکانی ناوەندە ئەمنیەکان کراون. شایانی باسە کە دەستبەسەرکراوان لە مافی دەستڕاگەیشتن بە پارێزەر و دەرمان و هەروەها چاوپێکەوتن لەگەڵ بنەماڵەکانیان بێبەش کراون.
