ڕۆژی ڕابردوو، بەرپرسانی ڕژیمی کۆماری ئیسلامی ڕایانگەیاند کە ئاسمانی ئێران بە ڕۆی بەشێک لە گەشتە هەواییەکاندا کراوەتەوە.
بەپێی دوایین هەواڵەکان، ئاسمانی ڕۆژهەڵاتی ئێران بە ڕووی کۆمەڵێک لە گەشتە نێودەوڵەتییەکاندا کراوەتەوە و لە ڕۆژانی داهاتوودا قۆناغ بە قۆناغ لە سەرتاسەری ئێران ئەم بڕیارە جێبەجێ دەکرێت. ئەمە لە کاتێکدایە کە بەرپرسانی کۆمەڵێک لە شیرکەتەکانی گەشتی هەوایی لە ئێران ڕایانگەیاندووە کە فرۆشتنی بلیتی هاتوچۆی گەشتە ئاسمانییەکان تا کاتێکی نادیار لە لایەن ناوەندە پەیوەندیدارەکانەوە ڕاگیراوە و قەدەغەی بەسەردا سەپێندراوە.