10
بەپێی ڕاپۆرتەکان، پاش تێپەڕبوونی ٤٢ ڕۆژ لە دەستبەسەرکرانی “شلێر مام قادری” ژنێکی تەمەن ٣٤ ساڵی خەڵکی شاری مەهاباد، نیگەرانییەکان سەبارەت بە دۆخی تەندروستیی ناوبراو زیادیکردووە.
ڕاپۆرتەکان ئاماژە بەوە دەکەن کە ناوبراو لە ماوەی بەندکرانیدا تووشی ئەشکەنجەی جەستەیی توند هاتووە و بەهۆی قورسایی برینەکانی، لە ژێر چاودێریی ئەمنیدا ڕەوانەی نەخۆشخانە کراوە. بە وتەی سەرچاوەکانی هەواڵ، سەرەڕای پێویستی ئەو هاووڵاتییە بە چارەسەری پزیشکی خێرا، پێش کۆتایی هاتنی پرۆسەی دەرمانەکەی دووبارە بۆ زیندانی ورمێ گواستراوەتەوە.
