8
هێزەکانی ئیدارەی ئیتلاعات بەبێ نیشاندانی حوکمی دادوەری، هێرشیان کردووەتە سەر ماڵێک لە دەوروبەری پیرانشار و گەنجێکی ٢٣ ساڵانیان دەستبەسەر و بۆ شوێنێکی نادیار گواستووەتەوە.
هێزە ئەمنییەکان بە گەمارۆدان و چوونە ناو ماڵی بنەماڵەی «سەباح بێوارە» لە گوندی «کێلەشین» لە دەوروبەری پیرانشار، ناوبراویان بە شێوەیەکی توندووتیژ دەستگیر کردووە. هێزەکانی ڕژیم لە کاتی دەستبەسەرکردنیدا، وێڕای پشکنینی ماڵەکە، دەستیان بەسەر هەندێک لە کەلوپەلە تایبەتییەکانی ئەویشدا گرتووە. تا ئەم ساتە سەبارەت بەو تۆمەتانەی ئاراستەی ئەم گەنجە کراوە و هەروەها شوێنی ڕاگرتنی زانیارییەک لەبەردەستدا نییە.
