26
له كرده‌وه‌یه‌كی بێ وێنه‌دا وه‌زاره‌تی ئامووزش و په‌روه‌رشی ڕژیم سێ بۆ شه‌ش هه‌زاری خوازیای به‌شداری له تاقیكردنه‌وه‌ی موعه‌لیمی و ده‌بیری، به بیانووی “گوزینش” وه‌لا ناوه.
ئاكامی ئه‌و تاقیكردنه‌وه، كۆتاییه‌كانی مانگی خه‌رمانان و ڕه‌زبه‌ری ئه‌مساڵ ڕاگه‌یێندرا و هێشتا ئه‌و كه‌سانه‌ی په‌روه‌نده‌كه‌یان به كۆدی ١٩ پێناسه كراوه له بیلاته‌كلیفی دا ماونه‌ته‌وه. زۆربه‌ی ئه‌و كه‌سانه نومره‌ی به‌رزیان تۆمار كردووه و ئامووزش و په‌روه‌رش بیانووی نه‌بووه بۆ ڕه‌دكرنه‌وه‌یان. به‌وته‌ی چالاكانی مه‌ده‌نی، له‌به‌رچاو نه‌گرتنی شاره‌زایی، هێنانه‌خواره‌وه‌ی نومره‌ی ئازموون و وه‌لانانی به‌شێكی زۆر له گه‌نجان به بیانووی بێ بنه‌ما، ته‌نیا ئاستی كیفیه‌تی په‌روه‌رده دێنێته خواره‌وه.
