ڕۆژی شه‌ممه ٦ی گه‌لاوێژ، سه‌ندیكای ڕۆژنامه‌وانانی میسر له ڕاگه‌یاندنێكدا بانگی له ته‌واوی چالاكانی مه‌ده‌نی و سیاسی كرد دژبه داگیركارییه‌كانی توركیا له ڕۆژئاوا و باشووری كوردستان هه‌ڵوێست بگرن.
ڕۆژی شه‌ممه ٦ی گه‌لاوێژ، كۆمه‌ڵێك له ژنانی ئێزدی و چالاكوانانی عێراقی له كۆنفڕانسێك دا سه‌پاندنی سزای ئێعدامیان به‌سه‌ر شه‌ریفه محه‌ممه‌دی و په‌خشان عه‌زیزی به توندی شه‌رمه‌زار كرد.
دکتۆر “ئیسماعیل پوورئیبڕاهیم”، خەڵکی بۆكان و مامۆستای ئابووری لە زانکۆی ئازاد، دوو مانگ لەمەوبەر لەلایەن ئیداره‌ی ئیتلاعاته‌وه دەستبەسەر و هیچ زانیارییه‌ك له‌سه‌ر چاره‌نووسی له‌به‌رده‌ستدا نییه.
“شێركۆ مام كه‌ریمی” له ده‌ستبه‌سه‌ركراوانی شۆڕشی ژینا له شاری بۆكان، له‌لایه‌ن دادگای ئینقلابی ئه‌و شاره‌وه به سێ مانگ زیندانی ته‌عزیزی و ٧٦٢ ملیۆن تمه‌ن جه‌ریمه‌ی ماڵی مه‌حكووم كراوه.
ڕۆژی شه‌ممه ٦ی گه‌لاوێژ، به‌رپرسانی سپای پاسدارانی پارێزگای كرماشان ڕایانگه‌یاند كه مانۆڕه‌كانیان له به‌رزاییه‌كانی چیای شاهۆ بۆ ماوه‌ی سێ ڕۆژی دیكه درێژه ده‌كێشێت.
به‌پێی ڕاپۆرتی كۆڵبه‌رنیووز، ڕۆژی شه‌ممه ٦ی گه‌لاوێژ، كۆڵبه‌رێك به ناوی “نازم سه‌فه‌ری” ته‌مه‌ن ٢٥ ساڵ، به ته‌قه‌ی سه‌ركوتگه‌رانی كۆماری ئیسلامی له سنووی دزاوه‌ری نه‌وسوود گیانی به‌خت كردووه.
به‌پێی هه‌واڵی گه‌یشتوو، ڕۆژی شه‌ممه ٦ی گه‌لاوێژ، هاووڵاتیانی خه‌ڵكی پارێزگاكانی كوردستان و سیستان به‌لووچستان له ئاست بڕانی به‌رده‌وامی به‌رق و هێڵی ئینته‌رنێت ناڕه‌زایه‌تیان ده‌ربڕی.
دایه شه‌ریفه، دایكی نه‌مر ڕامین حسێن په‌ناهی ڕۆژی شه‌ممه ٦ی گه‌لاوێژ، له گرته ویدیۆیێك دا پشتیوانی خۆی له شه‌ریفه محه‌ممه‌دی و په‌خشان عه‌زیزی نیشان دا.
ڕێكخراوه چه‌پ و دیمۆكراتیكه‌كانی ئێران ڕۆژی هه‌ینی ٥ی گه‌لاوێژ له ڕاگه‌یاندنێك دا خوازیاری هه‌ڵوه‌شاندنه‌وه‌ی سزای ئێعدام و تۆمه‌تی بێ بنه‌مای به‌غی بوون.
ماڵدزراوانی شیركه‌تی ته‌راوه‌ت نۆوینی قه‌زوێن ڕۆژی هه‌ینی ٥ی گه‌لاوێژ، له‌به‌رده‌م مزگه‌وتی جامێعای ئه‌و شاره كۆبوونه‌وه و دژبه به‌رپرسانی ڕژیم دروشمیان به‌رز كرده‌وه.
