بە پێی ڕاپۆرتی ڕێکخراوە ژینگەییەکانی ئێران، ئاگر گرتنی دارستانەکانی ئەو شارە ڕووداوێکی گوماناوییە و ئەگەری دەستێوەردانی مرۆڤ لە ئارادایە.
بە وتەی ئەندامانی ئەو ڕێکخراوانە لە ڕۆژانی ڕابردووا ئاگری دارستانەکانی ناوچەکانی سەر بە شاری مەریوان بارەها لە لایەن خەڵک و ژینگە پارێزانەوە کوژاوەتەوە، بەڵام دیسان ئاگرەکە لە شوێنێکی نوێوە دەستیپێکردووە، کە ئەمەش نیشانەی دەستێوەردانی مرۆیی لەم ڕووداوەدایە. جێگای ئاماژەیە ئەمە یەکەم جار نییە کە چالاکانی مەدەنی و ژینگەیی گوماناوی بوونی ئەم بابەتە دێننە سەر زمان، بەڵکوو هەموو ساڵێک سەبارەت بەم کێشەیە خوازیاری ڕوونکردنەوە ئەبن، بەڵام لە لایەن دەمودەزگاکانی ڕژیمەوە هەوڵێک بۆ چارەسەر کردنی ئەم کێشانە نادرێت.