ڕێكخراوی لێبوردنی نێوه‌ده‌وڵه‌تی له به‌یاننامه‌یێكدا حوكمی ئیعدامی شه‌ریفه موحه‌ممه‌دی مه‌حكووم كرد و خوازیاری ئازادی خێرای ئه‌و چالاكه كرێكارییه بوو.
شه‌ریفه موحه‌ممه‌دی، چالاكی كرێكاری ته‌مه‌ن ٤٥ ساڵ و پارێزوانی مافی مرۆڤ، له‌لایه‌ن دادگای ئینقلابی ڕه‌شته‌وه به به‌غی(چالاكی چه‌كداری دژبه ڕژیم) و هه‌وڵی تێكدانی ئه‌منیه‌تی وڵات تۆمه‌تبار و سزای نامڕۆڤانه‌ی ئێعدامی به‌سه‌ر دا سه‌پاوه. سه‌پاندنی سزای سێداره به‌سه‌ر ئه‌و چالاكه كرێكارییه له حاڵێك دایه كه ته‌نیا تاوانی ناوبراو پێداگری له‌سه‌ر مافی كرێكاران و زه‌حمه‌تكێشانی كۆمه‌ڵگا بووه.