به‌پێی دوایین ڕاپۆرته‌كان، “ناسر به‌كرزاده” به‌ندكراوی سیاسی دانیشتووی شاری ورمێ، بۆ سێهه‌مین جار حوكمی سێداره‌ی به‌سه‌ردا سه‌پێندرا.
به وته‌ی سه‌رچاوه‌كانی هه‌واڵ، ناوبراو له لایه‌ن لقی ٣٩ی دادگای باڵای وڵاته‌وه به تۆمه‌تی “هاوكاری له‌گه‌ڵ ناوه‌نده ئه‌منییه‌كانی ئیسرائیل” حوكمی سێداره‌ی به‌سه‌ردا سه‌پێندراوه. جێگای ئاماژه‌یه ئه‌و به‌ندكراوه دوایین جار ڕێكه‌وتی ١٢ی به‌فرانباری ساڵی ١٤٠٢ی هه‌تاوی، له لایه‌ن ئیتلاعاتی سپای ڕژیمه‌وه ده‌ستبه‌سه‌ر و پاش ماوه‌یه‌كی زۆر ئه‌شكه‌نجه و ئازاری له گرتووخانه‌كانی ئه‌و ناوه‌نده، ڕه‌وانه‌ی زیندانی ناوه‌ندی شاری ورمێ كرا.