بەپێی ڕاپۆرتەکان، “سەعید کوردپوور” هاووڵاتی خەڵکی “قەلعە تل” لە پارێزگای خوزستان و بەندکراوی زیندانی شەیبانی ئەهواز، لە لایەن دادگای پێداچوونەوەی ئەهوازەوە لە سەر تۆمەتەکانی، حوکمی زیندانەکەی پشتڕاست کرایەوە.
بەپێی هەواڵەکان، حوکمی سێ ساڵ و شەش مانگ و یەک ڕۆژ زیندانی “سەعید کوردپوور” لە لایەن دادگای پێداچوونەوەی ئەهوازەوە پشتڕاست کراوەتەوە و ناوبراو ئێستا لە زیندانی شەیبانی ئەهواز ماوەی حوکمەکەی بەسەر دەبات. بەپێی دوایین زانیارییەکان، ئەم حوکمە سەرەتا لە لایەن دادگا ئینقلابی ئیزەوە دژ بە ناوبراو دەرکرابوو.