ماوه‌ی چه‌ند ڕۆژه شه‌ڕێكی قورس له نێوان هێزه‌كانی ڕزگاری عه‌فرین و داگیركه‌رانی سه‌ر به ده‌وڵه‌تی تورك درێژه‌ی هه‌یه و تا به ئه‌مڕۆ ٣٧ تیرۆریست كوژراون.
به‌پێی ڕاگه‌یاندنی میدیاكانی ڕۆژئاوای كوردستان، له ٩ی خه‌رمانانی ئه‌مساڵه‌وه تا به ٩ی ڕه‌زبه‌ر، ئۆپراسیۆنێكیان دژ به بنكه و باره‌گای تیرۆریستانی سه‌ر به ده‌وڵه‌تی تورك له عه‌فرینی داگیركراو ده‌ستپێكردووه و له‌و ماوه‌یه‌دا، توانیویانه ٣٧ تیرۆریست له ناو ببه‌ن و ده‌ست به‌سه‌ر چه‌ند جه‌به‌خانه‌ی پڕ له چه‌ك و چۆڵ دا بگرن. شایانی باسه كه چه‌ندین سه‌ربازی تورك و تیرۆریست له‌و ئۆپراسیۆنه بریندار و ڕه‌وانه‌ی نه‌خۆشخانه‌كانی توركیا كراون.