کۆمەڵێک لە کرێکارانی شارەوانیی ئیلام لە ناڕەزایەتی بەرامبەر بە جێبەجێ‌نەکردنی یاسای دابەشکردنی ڕاستەوخۆی حەقدەست و تۆمارنەکردنی ناوەکانیان، لەبەردەم پارێزگاریی ئیلام کۆبوونەوە و داوای ڕوونکردنەوەی دۆخی پیشەییی خۆیان کرد.
کرێکارانی ناڕازی داوایان کرد چارەنووسی پیشەیییان یەکلا بکرێتەوە و بڕیارە فەرمییە پەیوەندیدارەکان جێبەجێ بکرێن. ئەم ناڕەزایەتییە لە کاتێکدا ئەنجام دەدرێت کە جێبەجێ‌نەکردنی بڕیارەکان و کێشەکانی پەیوەندیدار بە مووچە و دۆخی دامەزراندن، نیگەرانیی کرێکارانی شارەوانیی ئیلامی لێکەوتووەتەوە.