رۆژی ڕابردوو، ئەرتەشی ئەمریکا چەند پێگەی سپای پاسدارانی لە ناوچە سنووریەکانی پیرانشار بە ئامانج گرتووە.
بە پێی ڕاپۆرتە ناوخۆییەکان، بنکەکانی “سەرکانی“، مام جەلال” و “بەردە سپی” لە لایەن ئەرتەشی ئەمریکاوە لە رێگەی فرۆکەی جەنگییەوە و بە زیاتر لە چوار مووشەک بۆردمان کراون. سەرچاوەکانی هەواڵ ئاماژە بەوە دەکەن کە بۆ ماوەی چەندین ڕۆژە کە ناوچەکە لە لایەن پەهپادەکانی ئەمریکاوە لە ژێر چاودێرییدایە و هێشتا لە لایەن ناوەندە پەیوەندیدارەکانی کۆماری ئیسلامییەوە زانیارییەک سەبارەت بە ئاستی زیانەکان بڵاو نەکراوەتەوە.