ڕۆژی هه‌ینی ٤ی جۆزه‌ردان، بنه‌ماڵه‌ی قوربانیانی ده‌یه‌ی شه‌ست بۆ جارێكی دیكه سه‌ردانی مه‌زاری ئازیزانیان كرد له گۆڕستانی خاوه‌ران، به‌ڵام مه‌ئموورانی ڕژیم ڕێگه‌یان نه‌دا بچنه ژووره‌وه.
به‌پێی ئه‌و وێنانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، بنه‌ماڵه‌ی قوربانیانی ده‌یه‌ی شه‌ست دروشمی “پاش مه‌رگی ڕه‌ئیسی، كۆماری ئیسلامی هه‌مان ڕێگای ده‌یه‌ی شه‌ستی گرتووه‌ته به‌ر”یان به‌رز كرده‌وه. به‌وته‌ی سه‌رچاوه‌كانی هه‌واڵ، مه‌ئموورانی ڕژیم درگای گۆڕستانی خاوه‌رانیان به‌سه‌ر دایكانی دادخوازدا داخستووه و ڕێگه‌یان نه‌داوه سه‌ردانی مه‌زاری ئازیزانیان بكه‌ن.