ڕۆژی شه‌ممه ٢٤ی خه‌زه‌ڵوه‌ری ١٤٠٤ی هه‌تاوی، دوو برای خه‌ڵكی شاری خۆی به ته‌قه‌ی هێزه‌كانی ئیداره‌ی ئێتڵاعاتی ڕژیمی كۆماری ئیسلامی گیانیان له ده‌ستدا.
به وته‌ی سه‌رچاوه‌كانی هه‌واڵ، ئه‌و دوو هاووڵاتییه به ناوه‌كانی “خالیس و یوسف په‌رویزی” خه‌ڵكی گوندی “قه‌نڵه” سه‌ر به شارستانی خۆی، پاش ده‌سڕێژی گولله‌ی هێزه‌كانی ڕژیم بۆ سه‌ر ئۆتۆمبیله‌كه‌یان له سنووری ناوچه‌ی “كۆتۆل” سه‌ر به شارستانی خۆی، گیانیان له ده‌ست ئه‌ده‌ن و پاشان ته‌رمه‌كه‌یان له لایه‌ن ئه‌و هێزانه‌وه ڕفێندراون. شایانی باسه ته‌رمی ئه‌و دوو هاووڵاتییه هێشتا ڕاده‌ستی بنه‌ماڵه‌كانیان نه‌كراوه و شوێنی ڕاگرتنیان دیار نییه.