لە ڕۆژانی ڕابردوودا، سێ هاووڵاتیی کورد لە شارە جیاوازەکانی کوردستان لەلایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزران.
ئەم هاووڵاتییانە بریتیین لە: «میلاد زەند» خەڵکی میاندواو، «کەریم سەعیدی» خەڵکی بۆکان و «کاوە عوسمانی» خەڵکی بانە. ناوبراوان لە ئەنجامی هێرشی هێزەکانی ئیدارەی ئیتلاعات بۆ سەر ماڵەکانیان و بە توندوتیژییەکی زۆرەوە دەستبەسەر کراون. تا کاتی ئامادەکردنی ئەم هەواڵە، هیچ زانیارییەک لەسەر شوێنی ڕاگرتنیان و ئەو تۆمەتانەی دراونەتە پاڵیان لەبەر دەستدا نییە.