شاوە ئەبراهیمی، چالاکوان و هاووڵاتییەکی کوردی خەڵکی سەقز و دانیشتووی بانە، دوای بانگکردنی بۆ لقی جێبەجێکردنی حوکمەکانی دادگای شۆڕشی بانە، دەستبەسەر کرا و بۆ تێپەڕاندنی ماوەی سزاکەی گوازرایەوە بۆ زیندانی ناوەندیی ئەو شارە.
ڕۆژی یەکشەممە، شاوە ئەبراهیمی، دانیشتووی گوندی «سەبەدڵوو»ی سەر بە شاری بانە، دوای ئامادەبوونی لە لقی جێبەجێکردنی حوکمەکانی دادگای گشتی و شۆڕشی بانە، دەستبەسەر کرا و بە مەبەستی جێبەجێکردنی حوکمی حەوت مانگ زیندانی تەعزیری، بۆ زیندانی ناوەندیی بانە گوازرایەوە.