خانه‌نشینكراوانی سه‌نعه‌تی فولاد له شاره‌كانی ئیسفه‌هان، ئه‌هواز، تاران و قائیمشار، ڕۆژی یه‌كشه‌ممه ٩ی به‌فرانبار، دژ به دۆخی خراپی مه‌عیشه‌تی كۆبوونه‌وه.
خانه‌نشینكراوانی فولاد یه‌كشه‌ممه‌ی هه‌موو حه‌فته‌یه‌ك له‌به‌رده‌م سندووقی خانه‌نشینی ناڕه‌زایه‌تی ده‌رئه‌بڕن، به‌ڵام تا به ئه‌مڕۆ سه‌ره‌نج به داواكارییه‌كانیان نه‌دراوه. خانه‌نشینكراوانی ناڕازی به وتنه‌وه‌ی دروشم خوازیاری زیادكردنی حه‌قده‌ست به‌پێی ڕێژه‌ی هه‌ڵاوسان، پێدانی مه‌زایا بڕاوه‌كان، دابینكردنی بیمه‌ی ته‌كمیلی، به‌كرده‌وه‌ده‌رهاتنی گه‌ڵاڵه‌ی هاوسانسازی و هه‌ڵوه‌شانه‌وه‌ی بڕیاری ده‌وڵه‌ت بۆ تێكه‌ڵكردنی سندووقه‌كانی خانه‌نشینی بوون.