كۆبوونه‌وه‌ی خانه‌نشینكراوانی موخابرات له‌ شیراز و برووجێرد

ڕۆژی دووشه‌ممه‌ ٢٦ی سه‌رماوه‌ز، خانه‌نشینكراوانی موخابرات له‌ شاره‌كانی شیراز و برووجێرد له‌به‌رده‌م ئه‌و ڕێكخراوه‌ كۆبوونه‌وه‌.

ڕۆژی ڕابردوو به‌هۆی ئه‌وه‌ی ده‌وڵه‌تی پشوودانی گشتی له‌ زۆربه‌ی پارێزگاكانی ئێران ڕاگه‌یاندبوو، خانه‌نشینكراوانی موخابرات نه‌یانتوانی وه‌كوو حه‌فته‌كانی پێشوو چالاكییه‌كانیان ئه‌نجام بده‌ن. به‌و بۆنه‌وه‌ ته‌نیا له‌ شاره‌كانی شیراز و برووجێرد، خانه‌نشینكراوان كۆبوونه‌وه‌یان به‌ڕێوه‌ برد و به‌ وتنه‌وه‌ی دروشم خوازیاری زیادكردنی حه‌قده‌ست به‌پێی ڕێژه‌ی هه‌ڵاوسان، دابینكردنی بیمه‌ی ته‌كمیلی و به‌كرده‌وه‌ده‌رهاتنی گه‌ڵاڵه‌ی هاوسانسازی بوون.