به‌پێی ڕاپۆرتی شۆرای هاوئاهه‌نگی ناڕه‌زایه‌تی كرێكارانی نه‌وت، ناوه‌نده ئه‌منیه‌تیه‌كانی ڕژیم هه‌ڕه‌شه‌ی ده‌ركردنیان له ١٥ كه‌س له كرێكارانی ئه‌ركان سالس كردووه.
له ڕاگه‌یاندنی ئه‌و شۆرایه دا هاتووه: ١٥ كه‌س له هاوكاره‌كانیان كه نوێنه‌رایه‌تی ١٢٠ هه‌زار كرێكاری ئه‌ركان سالسی شاغڵ له سه‌نعه‌تی نه‌وت ده‌كه‌ن به بیانووی داكۆكی كردن له‌سه‌ر مافی هاوكاره‌كانیان خراونه‌ته ژێر گوشار و هه‌ڕه‌شه‌ی ده‌ركردنیان لێ كراوه. داوا له هه‌موو هاوكاره‌كانی ئه‌ركان سالس، په‌یمانی و ڕه‌سمی نه‌وت ده‌كه‌ین په‌یامی یه‌كگرتوویی كرێكارانی ڕه‌سمی نه‌وت ئاراسته‌ی ده‌سه‌ڵاتداران بكه‌ن تاكوو بزانن كرێكارانی سه‌نعه‌تی نه‌وت قه‌د پشتی هاوكاره‌كانیان به‌ر ناده‌ن.