ڕێكخراوی لێبوردنی نێوده‌وڵه‌تی ڕۆژی شه‌ممه ١٦ی خاكه‌لێوه له به‌یاننامه‌یه‌كدا سه‌باره‌ت به جێبه‌جێكردنی حوكمی بڕینه‌وه‌ی په‌نجه‌ی سێ به‌ندكراوی ڕاگیراو له زیندانی ورمێ هۆشداری به به‌رپرسانی قه‌زایی كۆماری ئیسلامی دا.
له به‌یاننامه‌ی لێبوردنی نێوده‌وڵه‌تی دا هاتووه، حوكمی بڕینه‌وه‌ی په‌نجه‌ی هادی ڕۆسته‌می، مێهدی شه‌ریفیان و مێهدی شاهیوه‌ند سزایه‌كی بێ ڕه‌حمانه، بنپێ كردنی مافی مرۆڤ و نیشانه‌ی مامه‌ڵه‌ی جیاوازی ده‌زگای قه‌زایی كۆماری ئیسلامی له‌گه‌ڵ تۆمه‌تبارانی تاوانی دزییه. ئه‌و ڕێكخراوه‌یه هه‌وره‌ها ئاماژه‌ی به ڕه‌وه‌ندی دادڕه‌سی نادادپه‌روه‌رانه و وه‌رگرتنی ئێعترافی ئیجباری له‌و سێ به‌ندكراوه له ژێر ئه‌شكه‌نجه دا كردووه و خوازیاری هه‌ڵوه‌شانه‌وه‌ی حوكمه‌كان و ئازادییان بوو.