ڕۆژی ڕابردوو، چەند وڵاتێکی ئۆروپایی ڕایانگەیاندووە کە بەشداری لە ئۆپەراسیۆنی پاراستنی گەرووی هورموزدا ناکەن.
بەپێی دوایین ڕاپۆرتەکان، وڵاتانی یۆنان، ئیتالیا، ئاڵمان و ئیسپانیا ئەم بڕیارەیان ڕاگەیاندووە و ئەمە لە کاتێکدا ڕوویداوە کە ڕێژەی نیگەرانی وڵاتان لەسەر پاراستنی ڕێڕەوی نەوت لەو ناوچەیە بەرز بووەتەوە، بەپێی سەرچاوەکان ئەم هەنگاوە دەکرێت کاریگەریی لەسەر بازاڕی جیهانی نەوت دروست بکات. شایانی باسە کە لە ڕۆژانی ڕابردوودا، “دۆناڵد ترامپ” سەرۆک کۆماری ئەمریکا داوای لە وڵاتانی جیهان کردبوو کە بە مەبەستی پاراستنی گەرووی هورموز و ڕێگەی هاتوچۆی کەشتییە نەوتییەکان، ئۆپەراسیۆنێکی نێودەوڵەتی دەستپێ بکات.