ڕۆژی سێشەممە ١٢ی خەزەڵوەر، «عەبدولڕەئووف حەملی» خەڵکی شاری میهرستان، بە دەستڕێژی ڕاستەوخۆی گوللەی هێزە ئەمنییەکانی کۆماری ئیسلامی دەستبەجێ گیانی لەدەست دا. بەپێی ڕاپۆرتەکان، ناوبراو لەگەڵ دوو کەسی دیکە بە ئۆتۆمبێل لە هاتوچۆدا بووە کە کتوپڕ لەلایەن هێزە ئەمنییەکانەوە تەقەیان لێکراوە؛ لە ئەنجامدا ناوبراو دەستبەجێ گیانی لەدەست داوە و ئەو دوو سەرنشینەکەی دیکەش دەستبەسەر کراون. نزیکان و بنەماڵەی قوربانییەکە جەخت دەکەنەوە کە ئەو کەسە هیچ پێشینەیەکی تاوانکاریی نەبووە و تا ئێستاش هۆکاری تەقەکردن لێی بە ناڕوونی ماوەتەوە.