13
بەپێی زانیارییە بڵاوکراوەکان، حامید تیزروئیان، وێنەگری ژینگە و خوێندکاری ژینگەناسیی زانکۆی شەهید بەهەشتی، پاش چەندین هەفتە دەستبەسەرکران، بە دانانی بارمتە لە زیندان ئازاد کرا.
بەپێی ڕاپۆرتەکان، ناوبراو ١٤ی گولانی ئەمساڵ لەلایەن هێزەکانی ئیدارەی ئیتلاعاتەوە لە شاری ساری دەستبەسەر و ڕەوانەی زیندانی ئەو شارە کرابوو. هەروەها لە کاتی دەستبەسەرکردنیدا، ژمارەیەک لە کەلوپەل و ئامێرە ئەلیکترۆنییەکانی دەستیان بەسەردا گرتبوو. شایانی باسە کە بەپێی ڕاپۆرتەکانی پێشوو، دەستبەسەرکرانی حامد تیزروئیان پەیوەندی بە بڵاوکردنەوەی بابەت و نووسینە ڕەخنەئامێزەکانی لە تۆڕە کۆمەڵایەتییەکاندا هەبووە.
