10
بەپێی ڕاپۆرتەکان، “نادیا سدق عەلی” هاووڵاتی خەڵکی شاری مەشهەد، پاش زیاتر لە دوو مانگ دەستبەسەر کران، بە دانانی بارمتە بە شێوەیەکی کاتی لە زیندانی وەکیل ئابادی مەشهەد ئازاد کرا.
ناوبراو ڕێکەوتی ٢٩ی ڕەشەمەی ١٤٠٤ی هەتاوی، هاوکات لەگەڵ خۆشکی، بە هێرشی هێزەکانی ئیدارەی ئیتلاعاتی ڕژیمی کۆماری ئیسلامی بۆ سەر ماڵی بنەماڵەکەیان دەستبەسەر و ڕەوانەی گرتووخانەکانی ناوەندە ئەمنیەکان کراوە. شایانی باسە کە ئەو هاووڵاتییە بە هۆی ئەشکەنجە و ئازارەکانی ناوەندە ئەمنیەکانەوە تووشی چەندین جۆرە نەخۆشی بووە و دۆخی تەندروستی ناجێگیرە.
