شاخی چەرمین لا شاری چەرداوڵ، سەر بە پارێزگای ئیلام، بۆ ماوەی زیاتر لە سێ ڕۆژە لە ئاگردا دەسوتێت و سەرەڕای چەندبار کوژانەوەی لە لایەن خەڵکەوە، دیسان ئاگرەکە گەشایەوە.
بە پێی ئەو دیمەنانەی بە دەستمان گەیشتوون، ئاگری ئەو شاخە خێرا بڵاو دەبێتەوە و ئەگەری هەیە بگاتە ناوچەکانی نیشتەجێبوونی خەڵک. چالاکانی مەدەنی و ژینگەیی لەو پارێزگایە داوایان لە ژینگە دۆستانی کوردستان کردووە کە بۆ کوزژانەوەی ئاگرەکە یارمەتی خەڵکی ئەو ناوچەیە بدەن.