به‌پێی ڕاپۆرتی شۆرای سنفی فه‌رهه‌نگیانی ئێران، ٩ موعه‌لیمی دڵسۆزی پارێزگای گیلان به ناوه‌كانی “ئه‌نووش عادڵی”، “مه‌حموود سدیقی پور”، “عزیز قاسم زاده”، “ته‌یموور باقری كوده‌كانی”، “ته‌هماسب سۆهرابی”، “غۆڵامڕه‌زا ئه‌كبه‌رزاده‌ی باغه‌بان”، “عه‌لی نه‌هالی”، “محه‌ممه‌د جه‌واد سه‌عیدی” و “جه‌هانبه‌خش لاجوه‌ردی” له‌لایه‌ن دادگوسته‌ری گیلانه‌وه بانگهێشت كراون.
به‌پێی ڕاپۆرتی شۆرای سنفی فه‌رهه‌نگیانی ئێران، ئه‌و ٩ چالاكه سنفیه ئه‌بێ ڕۆژی دووشه‌ممه ٢٣ی ڕێبه‌ندانی ١٤٠٢، به تۆمه‌تی “تێكدانی ئاسایشی گشتی له ڕێگه‌ی به‌شداری له كۆبوونه‌وه‌ی سنفی” و “سه‌رپێچی له فه‌رمانی مه‌ئمووری ده‌وڵه‌ت” له دادگای گشتی و ئینقلابی ڕه‌شت ئاماده بن. شایانی باسه كه له ئێستادا “ئه‌نووش عادڵی”، “مه‌حموود سدیقی پور” و “عه‌زیز قاسم زاده” سزای یه‌ك ساڵه‌ی زیندانیان له به‌ندیخانه‌ی لاكانی ڕه‌شت تێپه‌ڕ ده‌كه‌ن.
