ڕۆژی چوارشه‌ممه ١٣ی خاكه‌لێوه، پێنج منداڵی كاری سووختبه‌ر له ده‌كه‌یه‌كی فرۆشتنی به‌نزین له شارستانی نیكشار،به‌هۆی ئاگركه‌وتنه‌وه تووشی سووتانی جه‌سته بوون.
به‌پێی ڕاپۆرتی حال وه‌ش، چه‌ند گاڵۆن به‌نیزن و فه‌نده‌ك له نێو ئه‌و ده‌كه‌یه‌دا بووه و له ناكاودا، یه‌كێك له فه‌نده‌كه‌كان ته‌قیوه‌ته‌وه و گاڵۆنه‌كان ئاگریان گرتووه. له ئاكامی ئه‌و ڕووداوه‌دا پێنج منداڵی سووختبه‌ر به ناوه‌كانی یاسین خودایی، ئه‌میرحسێن به‌لووچ، محه‌ممه‌د كه‌دخودایی، محه‌ممد سابۆكزهی و مه‌روان میرزایی سووتاون كه دۆخی ته‌ندرووستی دوو كه‌سیان ناجێگیره.