له دوو ڕۆژی ڕابردوودا، چه‌ندین هاووڵاتی كورد له باكووری كوردستان له‌لایه‌ن ده‌زگای قه‌زایی ئه‌و وڵاته‌وه به زیندان مه‌حكووم و چه‌ند كه‌س ده‌ستبه‌سه‌ر كراون.
به‌پێی ڕاپۆرتی میدیاكانی باكووری كوردستان، ١١ چالاكی مه‌ده‌نی و سیاسی له شاری مێرسین به زیندان مه‌حكووم كراون و ده شارومه‌ندی كوردی خه‌ڵكی ڕۆژئاوای كوردستان ده‌ستبه‌سه‌ر و دیپۆرتی سووریه كراون. له شاری ئێلح، دوو كه‌س ده‌ستبه‌سه‌ر و ڕاده‌ستی دادگا كراون و له ئێزمیر، سێ كه‌س به ناوه‌كانی سه‌بری گوڵ، مه‌هتاب عالیشان و كورای توركای به زیندان مه‌حكووم كراون.