جووتیارانی ئیسفه‌هان له ڕێكه‌وتی ٣ی خاكه‌لێوه‌ی ١٤٠٤ه‌وه رۆژانە به‌رده‌وامن له ناڕه‌زایه‌تی دژ به به‌ڵێنه درۆیینه‌كانی به‌رپرسانی ڕژیم و ته‌نانه‌ت له ڕۆژانی ڕابردوودا تێكهوڵچوون له نێوان كه‌شاوه‌رزان و هێزه‌كانی ڕژیم ڕووی داوە.
جووتیارانی ناڕازی له شاری ئیسفه‌هان بۆ ماوه‌ی زۆرتر له یه‌ك ساڵه دژ به خراپی دۆخی ژیان و مه‌عیشه‌ت، پێنه‌دانی حه‌ق ئاوه و هه‌روه‌ها به‌ڵێنه درۆیینه‌كانی به‌رپرسانی ڕژیمی كۆماری ئیسلامی كۆ ده‌بنه‌وه و ناڕه‌زایه‌تی ده‌رده‌بڕن، به‌ڵام له لایه‌ن به‌رپرسانه‌وه بایه‌خ به داخوازییه‌كانیان نادرێت و ته‌نانه‌ت هێرش ده‌كرێته سه‌ریان. به وته‌ی یه‌كێك له ناڕازیان، له ماوه‌ی ڕۆژانی ڕابردوودا به ته‌نیا به‌ڵێنی درۆیان پێ دراوه و ته‌نانه‌ت پێیان وتراوه كه ئه‌مساڵ وشكه‌ساڵییه، لە کاتێکدا زۆرتر له ٢٨٠ ملیۆن میتری سێ جا ئاو له خه‌ڵكی ئه‌و ناوچه‌یه لە لایەن مافیای ئەو بەشه دزراوه