سه‌ندیكای كرێكارانی شیركه‌ت واحدی تاران ڕۆژی پێنجشه‌ممه ٢٠ی به‌فرانبار له به‌یاننامه‌یه‌كدا خوازیاری ئازادی بێ شه‌رت و مه‌رجی ئیبراهیم مه‌ده‌دی، داوود ڕه‌زه‌وی، ئانیشا ئه‌سه‌دۆڵڵاهی و ڕه‌یحانه ئه‌نساری نژاد بوون.
سه‌ندیكای كرێكارانی شیركه‌ت واحدی تاران له به‌یاننامه‌كه‌ی دا به‌ندكران و بێبه‌شكردنی چالاكانی كرێكاری له ده‌رمانی به توندی شه‌رمه‌زار كرد و ڕایگه‌یاند: ڕاگرتنی داوود ڕه‌زه‌وی، ئانیشا ئه‌سه‌دۆڵڵاهی، ئیبراهیم مه‌ده‌دی و ڕه‌یحانه ئه‌نساری نژاد له زیندان هیچ بنه‌مایه‌كی یاسایی نییه و ئه‌بێ به زووترین كات ئازاد بكرێن.