بەپێی دوایین زانیارییەکان، “جەواد خاکی” بەندکراوی سیاسی ڕاگیراو لە زیندانی قزڵحەساری کەرەج، لە لایەن بەرپرسانی زیندانەوە لە مافی دەستڕاگەیشتن بە دەرمان بێبەش کراوە.
شایانی باسە کە ناوبراو بە هۆی ڕاگرتنی لە زیندانەکانی ڕژیمی کۆماری ئیسلامی و هەروەها ئەشکەنجەکانی هێزە ئەمنیەکانی ڕژیمەوە، دۆخی تەندروستی ناجێگیر و تووشی جۆرەها نەخۆشی بووە. شایانی باسە کە سەرەڕای خراپی دۆخی تەندروستی بۆ ماوەی زیاتر لە سێ مانگ و هەروەها پێشنیاری پزیشکی زیندان بۆ پێدانی مورەخەسی دەرمانی، لە لایەن بەرپرسانی زیندان و دەزگای قەزایی کۆماری ئیسلامییەوە داخوازییەکانیان ڕەتکراوەتەوە.