12
ڕۆژی شەممە ٢٩ی خاکەلێوە، لەگەڵ تێپەڕبوونی ٢٩ ڕۆژ لە ونبوونی بەلەمێکی بازرگانی کە ١٠ سەرنشینی تێدا بوو لە ڕێگای دەریایی سیریک بۆ مەسقەت، هێشتا هیچ زانیارییەک لەسەر چارەنووسی سەرنشینانی ئەم بەلەمە لەبەردەستدا نییە و ئەمە بۆتە هۆی نیگەرانی زۆری خێزانەکانیان.
بەپێی ڕاپۆرتەکان، ئەم بەلەمە بازرگانییە ڕۆژی ٢٩ی ڕەشەمەی ١٤٠٤ لە بەندەری سیریک بەرەو مسقەت، پایتەختی عومان، بەڕێکەوتووە و لەو کاتەوە هەتا ئێستا بێسەرشوێنن. شایانی باسە سەرجەم سەرنشینەکانی ئەم بەلەمە هاوڵاتیی بەلوچن و سەرەڕای بەدواداچوونی بەردەوامی خێزانەکانیان، بەڵام هێشتا وەڵامێکی ڕوونیان وەرنەگرتووە.
